სხვა რა სახელი შეიძლება ვუწოდო შეხვედრას, რომელიც "მარგვეთმა" თბილისში "მერანი-2"-თან გამართა? ეს იყო, ფაქტიურად ფეხბურთი "ცალ კარში," რომელიც ჯ. ხმელიძის ბენეფისად იქცა. მან წინა ტურის მატჩში "მერანი"-2 (მარტვილს) 4 გოლი გაუტანა (მწვრთნელს მე-60 წუთზე რომ არ შეეცვალა, ალბათ, მეტსაც გაიტანდა). ამ შეხვედრაში კი მასპინძლები 7-ჯერ აიძულა ცენტრიდან დაეწყოთ თამაში. 7-ვე გოლი ერთმანეთზე ულამაზესები იყო, რომელთა დასახასიათებლად არც დრო და არც ფორმატი არ მეყოფა, მაგრამ მათგან ორი განსაკუთრებულად აღსანიშნავია. მე-15 წუთზე მარცხნიდან ჩაწოდებულ ბურთზე ჯ. ხმელიძემ ქუსლით ითამაშა და ტრიალში ისეთი ოსტატური დარტყმა შეასრულა, რომ მეკარემ ბურთი მხოლოდ კარის ბადეში დაინახა-0:2. 28-ე წუთზე თბილისელმა ფეხბურთელმა გ. გვენეტაძემ სტუმართა კარში ერთი გოლი გაიტანა (1-2) და თითქოს შეხვედრას ინტრიგა დაუბრუნა, მაგრამ ასე არ ფიქრობდა ჯ. ხმელიძე. "მან ბურთი მოედნის ცენტრში დადო და მსაჯის სასტვენივისთანავე უძლიერესი დარტყმით მასპინძელთა მეკარე "მშრალზე დატოვა": 1-3. დანარჩენი ორი გოლი "მარგვეთის" მხრიდან გუნდში ახლად დაბრუნებულმა ს. ბაღდავაძემ და ნ. ხარაიშვილმა გაიტანეს. დასასრულს კი გილების ქრონოლოგიას აღვნიშნავ: 0:1-ჯ. ხმელიძე (მე-11 წთ); 0:2-ჯ. ხმელიძე (მე-15 წთ); 1:2-გ. გვენეტაძე (28-ე წთ); 1:3-ჯ. ხმელიძე (29-ე წთ); 1:4-ჯ. ხმელიძე (მე-40 წთ); 1:5-ს. ბაღდავაძე (69-ე წთ); 1:6-ჯ. ხმელიძე (70-ე წთ); 1:7-ნ. ხარაიშვილი (76-ე წთ); 1:8-ჯ. ხმელიძე (84-ე წთ); 1:9-ჯ.-ხმელიძე (90-ე წთ). მომდევნო შეხვედრას "მარგვეთი" 11 სექტემბერს გამართავს და ხარაგაულში საჩხერის "ჩიხურას" უმასპინძლებს წარმატება ვუსურვოთ ჩვენს გუნდს.
ზესტაფინის მიხეილს სალაძის სახელობის სპორტულ-გამაჯანსაღებელი მუნიციპალური ცენტრი